Në vitin 1966, Chan Thomas, një inxhinier i mirënjohur publikoi një libër me informacion që mund të ndikojë tek të gjithë në tokë. Por përpara se dikush të mund ta lexonte, ai u klasifikua nga CIA. Ne mësuam për ekzistencën e tij vetëm disa vite më parë për shkak të një kërkese për Lirinë e Informacionit. Më pas CIA publikoi vetëm 57 faqe të dorëshkrimit origjinal prej 284 faqesh. Dhe ato faqe, sipas fjalëve të vetë CIA-s, janë “keqkuptuar”. Pse CIA mendon se ky libër është kaq i rrezikshëm saqë iu desh ta fshihnin nga publiku për 60 vjet; dhe vazhdon të fshehë pjesën më të madhe të saj?

Por si doli në dritë historia e Adamit dhe Evës?

Gjithçka duket se buron nga disa video të TikTok që promovon këtë teori të “Adamit dhe Evës”. Aty pretendohet se polet magnetike të Tokës së shpejti do të zhvendosen, e si pasojë planeti do përfshihet nga një mot ekstrem gati në një mënyrë apokaliptike. Kjo video që ka arritur shumë klikime dhe është bërë virale tashmë në rrjetet sociale, bazohet në një ese të viteve 1960 të botuar nga Chan Thomas, të quajtur “Historia e Adamit dhe Evës: Historia e Kataklizmave”.

Thomas – një ish-punonjës i Forcave Ajrore të SHBA-së – pohoi se polet magnetike të Tokës rrotullohen çdo disa mijëra vjet me 90 gradë, dhe kjo është arsyeja pse qytetërime të ndryshme të lashta janë zhdukur.

Thomas sugjeron se përmbytja e parë ndodhi me Adamin dhe Evën, e dyta me Noun dhe Arkën – dhe se e treta po afrohet.

Por a ka ndonje të vërtetë në këtë teori? Po prova a ka?

Ekspertët thonë se nuk ka absolutisht asnjë provë për të mbështetur këtë teori.

Siç tha Martin Mlynczak, shkencëtar i lartë kërkimor në Qendrën Kërkimore Langley të NASA-s, për The Verge: “Pretendimet e jashtëzakonshme kërkojnë prova të jashtëzakonshme. Dhe nuk ka asnjë provë, asnjë shkencë dhe asnjë fizikë pas ndonjë prej pretendimeve për ndryshimin e fushës magnetike që lidhet me ndryshimin e klimës.

Një blog në uebsajtin e NASA-s gjithashtu e vë në dukje këtë pikë, duke argumentuar: “Nuk ka asnjë provë që klima e Tokës është ndikuar ndjeshëm nga tre ekskursionet e fundit të fushës magnetike, as nga ndonjë ngjarje ekskursioni brenda të paktën 2.8 milionë viteve të fundit.”

Dhe, fosilet nuk tregojnë se përmbysjet e mëdha të poleve shkaktuan ndryshime të mëdha – nuk kishte ngjarje të fundit të botës, si një “përmbytje”.

Cili do të ishte shkaktari?

Shkencëtarët nuk kanë asnjë arsye të mendojnë se një përmbysje e papritur e poleve po afrohet së shpejti. Polet magnetike të Tokës zhvendosen, dhe polet magnetike të veriut dhe jugut ndryshojnë me kalimin e kohës. Ata gjithashtu mund të ndryshojnë vendndodhje, sipas NASA-s, por kjo është e gjitha graduale.

NASA shpjegoi: “Meqenëse forcat që gjenerojnë fushën tonë magnetike ndryshojnë vazhdimisht, vetë fusha është gjithashtu në fluks të vazhdueshëm, forca e saj rritet dhe zbehet me kalimin e kohës.

“Kjo bën që vendndodhja e poleve magnetike veriore dhe jugore të Tokës të zhvendoset gradualisht, dhe madje të ndryshojnë plotësisht vendndodhjet çdo 300,000 vjet ose më shumë.”

Ndërsa Përshtypja nga video e TikTok është se ky ndryshim do të ndodhte me shpejtësi, por shkencëtarët e kundërshtojnë këtë gjithashtu.

NASA vëren se polet magnetike të Tokës janë kthyer 183 herë në 83 milionë vitet e fundit dhe të paktën disa qindra herë në 160 milionë vitet e fundit.

Me pak fjalë ky proces ndodh gjatë qindra deri në mijëra vjet – jo brenda natës.

A mund të ndodhë edhe fizikisht?

Që planeti të rrokulliset, duhet të ketë disa faktorë fizikë.

Për momentin, nuk ka energji të mjaftueshme në atmosferën e sipërme të Tokës për diçka të tillë.

Ajri gjithashtu nuk përmban hekur, kështu që nuk ka asnjë mekanizëm të njohur fizik të aftë për të lidhur kushtet e motit në sipërfaqen e Tokës me rrymat elektromagnetike në hapësirë.

Dhe, ndërveprimet elektromagnetike ndikojnë vetëm në jonsferën e Tokës – e cila është rreth 600 milje mbi sipërfaqe. Nuk ndikon në motin dhe klimën sipërfaqësore.

Një raport i Berkeley News nga 2014 tha se edhe nëse fushat magnetike do të ndryshonin dhe do të ndodhnin gjatë gjithë jetës së një njeriu, kjo nuk do të shkaktonte katastrofë – por vetëm dëmtime në rrjetet elektrike.

Shënim nga redaksia!

Në pamje të parë duket sikur është një nga shumë gjysmë të vërtetat që fryhen dhe pompohen qëllimisht nga menaxherërt e meidave sociale veç për disa klikime më shumë.

Të besosh apo jo në teori të tilla, të pavërtetuara shkencërisht, apo qoftë edhe të papranuara për studim të mëtejshëm nga mediumet e gjëra të shkencëtarëve, nuk është domosdoshmërisht mendjelehtësi.

Ajo që padyshim lën edhe mjaftueshëm hapësirë për teori konspirative, apo edhe pak shfernim imagjinate, mbetet fakti që CIA ka deklasifikuar veç një të pestën e studimit. Dhe me të drejtë lind pyetja: Po në 4/5 e papublikuara të studimit, për çfarë bëhet fjalë?!